Axar.az
یوخاری
27 اییون 2019


کؤرفزده محاربه‌نی کیم ایستییر - تهران اتهاملاری رد ائدیر

آنا صحیفه سیاست
12 Punto 14 Punto 16 Punto 18 Punto

عمان کؤرفزی، سعودییه عربیستانی و عراق‌داکی هوجوملار ترامپی ایرانا قارشی محاربه‌یه سؤوق ائده بیلر

سعودییه عربیستانی حکومتی اؤتن هفته کراللیغین نفت کمرلرینه هوجوما گؤره ایرانی اتهام ائدیب. کئچمیش خاریجی ایشلر ناظری و حاضردا خاریجی سیاست اوزره دؤولت ناظری پوستونو توتان عادیل جوبیر بیلدیریب کی، اؤتن هفته‌نین ایکینجی گونو عربیستانین داوادمی و آفیف منطقه‌لرین‌ده آرامکو نفت شیرکتینه مخصوص نفت کمری و ناسوس ایستانسییالارینی درونلارلا بمبالایان یمن هوثیلری تعلیماتی ایران‌دان آلیب.

خاطیرلاداق کی، اؤتن هفته‌نین ایکینجی گونو قید اولونان نفت کمری و ناسوس ایستانسییالارینا ۷ بومبا یوکلو درونلا هوجوم اولموشدو. داها سونرا بو هوجوما گؤره مسئولیتی یمن هوثیلری اؤز اوزرلرینه آلیب و بو هوجومون یمنین بمبالانماسینا جواب اولاراق تشکیل ائدیلدیینی بیان ائدیبلر.

عادیل جوبیر قید ائدیب کی، هوثیلر ایندی ایران‌دان گلن تعلیماتلا حرکت ائدیر و ایرانین ماراقلاری اوچون یمن خالقینین پوتنسیالینی ساتیب. جوبیر دئییب کی، هوثیلر سپاهین بیر پارچاسی‌دیر. سعودییه نفت کمرینه هوجوم دا بونون ثبوتو ایدی.

سعودییه عربیستانینین آمریکاداکی سابیق سفیری و حاضردا مدافعه ناظرینین معاوینی پوستونو توتان شاهزاده خالید بین سالمان دا بنزر آچیقلاما وئریب. نفت کمرینه هوجومو ترور آدلاندیران شاهزاده هوثیلرین بو هوجومو ایرانین سیفاریشی ایله تؤرتدیینی ادعا ائدیب.

یمن عالی اینقیلاب شوراسینین صدری محمد علی ال-هوثی ایسه بی بی سی-یه بیلدیریب کی، درون هوجوملاری هوثیلرین اؤز قراریدیر و مقصد سعودییه عربیستانینین یمن‌ده تؤرتدیی بومباردمانلارا جاواب وئرمک‌دیر. ال-هوثی دئییب کی، هوجوم‌دا ایستیفاده اولونان درونلار یئرلی، یعنی یمن ایستحصالی‌دیر، بونلارین دتاللارینی ایسه آمریکا، چین و داها بیر نئچه اؤلکه‌دن آلیرلار. او، ایرانلا آمریکا آراسین‌دا گرگینلیین آرتدیغی بیر واخت‌دا بئله بیر هوجومون اؤز تشببوسلری اولدوغونو، بو آددیمین سعودییه حاکمیتینه جواب اولدوغونو قید ائدیب. او علاوه ائدیب کی، بو هوجوملارین مقصدی سعودییه عربیستانینین یمنه هاوا ضربه‌لرینین دایاندیریلماسی‌دیر.

کرال‌لیق ایسه ایرانی اتهام ائدیر. عادیل جوبیر دئییب کی، سعودییه عربیستانی رگیون‌دا محاربه‌یه یول وئریلمه‌سی طرفداری دئییل، آنجاق کرال‌لیق اؤتن هفته نفت اوبیکتلرینه قارشی هوجوملارا جواب وئرمه‌یه حاضر اولدوغونو بیلدیریب. ریاض ایرانا ایندی توپون اونون ساحه‌سین‌ده اولدوغونو بیلدیریب.

قید ائدک کی، اؤتن هفته‌نین بازار گونو عمان کؤرفزینده به-یه مخصوص بیر، نوروئچه مخصوص بیر و سعودییه عربیستانینا مخصوص ایکی نفت تانکری هوجوما معروض قالیب. بو هوجوملارا گؤره کؤرفز اؤلکه‌لری ایرانی اتهام ائدیر. رسمی تهران ایسه اتهاملاری رد ائدیر. باخمایاراق کی، هله‌لیک عرب اؤلکه‌لرینین الین‌ده ایرانی اتهام ائتمک اوچون ثبوت یوخدور. آنجاق اتهام طرفی حساب ائدیر کی، آمریکانین ایرانین نفت ساتیشینا ائمبارقو قویماسین‌دان سونرا تهران قربی حده‌له‌یه‌رک فارس کؤرفزین‌دن نفت ایخراجینا مانع اولاجاغینی بیلدیرمیشدی. بو هوجوملار دا بیرباشا محض نئفت ساتیشینا مانع اولماغا خیدمت ائدیر.

آنجاق مسئله اوندادیر کی، هر ایکی حادثه، یعنی اومان کؤرفزین‌ده تانکئرلرین وورولماسی و هوثیلرین سودییه کمرلرینه هوجومو آمریکانین فارس کؤرفزینه گمی، طیاره و راکتلر گؤندردیی بیر واخت‌دا باش وئریب. بو ایسه باشقا سؤزله محاربه اوچون سبب وئرمک‌دیر، هانسی کی، ایران رهبرلیگی ان یوکسک سعوییه‌ده محاربه ایستمدیینی بیان ائدیب.

لاکین عینی زامان سون هوجوملار یاخین شرقین اساس انرژی منبع‌لرینین تهلوکه‌ده اولدوغون‌دان خبر وئریر. باخمایاراق کی، آمریکا پرزیدنتی دونالد ترامپ اؤزو ده اؤتن هفته بیان ائدیب کی، کؤرفزه ۱۲۰ مین‌لیک اوردو گؤندریلمه‌سی «ساختا خبردیر»، ایرانلا محاربه اولماسینی ایستمیر. لاکین بوتون بونلارین فونون‌دا آمریکا علاوه قوه‌لری کؤرفزه داخیل اولماقدادیر.

تاریخ
2019.05.21 / 15:21
مولف
آینورا مممدووا
شرح لر
دیگر خبرلر

آمربکا-ایرانلا باغلی اؤنملی نوانس: آز آدام بیلیر - پانکراتئنکو

قدس موذاکیره‌سی: کیمسه گئری چکیلمه‌سه... - کاراسیک

تورکییه اس-۴۰۰-لری نیه آلدی؟ – کوزنتسوو هر شئیی آچیقلادی

پوتین بو سؤزله ایرانی آمریکا هوجومون‌دان قورودو - اکسپرت

روسییا گورجوستانی نئجه جزالان‌دیرا بیلر؟ – ایستی شرح

ایران ادعا ائتدی: ترامپ اومان واسطه‌سیله ایرانا خبردارلیق ائدیب

کوزنتسوو: ندنسه ایران وورور، اما آمریکایا خیری اولور... - ویدئو

آمریکا-ایران قارشی‌دورماسی... - روس پولیتولوق‌دان سئنساسیون ادعا

ایرانا قارشی محاربه: اؤلکه ۵ یئره پارچالانیر – آمریکانین گیزلی پلانی

علیئو، پوتین و روحانی گؤروشور: واخت آچیقلاندی

خبر خطّی
 
Axar.az'da reklam Bağla
Reklam
Bize yazin Bağla