Axar.az
یوخاری
23 فئورال 2019


احمد اوبالییا مراجعت: بو، میللی تی وی-یه یاراشارمی؟

آنا صحیفه توپلوم
12 Punto 14 Punto 16 Punto 18 Punto

گونئی آذربایجانین بعضی ضیالیلاری گوناز تی وی رهبری احمد اوبالییا مراجعت ائدیب.

Axar.az گونئی‌لی سویداشلاریمیزین مراجعتینین متنینی تقدیم ائدیر:

«حؤرمت‌لی احمد بی!

رهبری اولدوغونوز «گوناز» تلویزییاسینین فعالیتی، هابئله سیزین آذربایجان میللی حرکاتینا وئردیینیز تؤهفه دانیلمازدیر. شوبهه‌سیز کی، گوناز تو گونئی آذربایجان‌دا اورتایا چیخان میللی اویانیشدا اؤنملی رول اویناییب و میللی حرکاتین اؤنملی مئدیالاریندان اولوب.

آنجاق سایین احمد بی، میللی حرکاتا کؤنول وئرمیش اولان میللی-مدنی فعاللار اولاراق بیر سیرا مؤوضوعلاردا سیزه تنقیدلریمیزی بو واسطه ایله چاتدیرماق ایستییریک، چونکی گوناز تو-نین سیاستین‌ده بعضی مسئله‌لر حقیقتا میللی فعاللاری اوزور و قایغیلاندیریر. بیز ایستردیک کی، آذربایجان-تورک میللتی آدینا قورولان و یؤنتیمی سیزه امانت اولان گوناز تی وی تام بیر میللی مئدیا قورولوشو کیمی ایداره اولونسون. اما تأسف کی، چوخ واخت گوناز تی وی بیر میللی مئدیا وظیفه‌سینه اویمایان داورانیشلار سرگیله‌ییب، میللی یاناشمادان داها چوخ، اؤزل بیر قورولوش کاراکتری گؤستریر.

میللی حرکاتدا اونلارلا میللی-مدنی فعال و قورولوشوموزون گوناز تی وی-ده جنابینیز طرفین‌دن یئرسیز اتهام اولونماسی، بو اتهاملارا کئچرلی دلیللر اورتایا قویولماماسی، بیر سیرا میللی مسئله‌لرده پئشکارلیغا، بیطرف‌لییه و مئدیا پرینسیپلرینه اویمایان داورانیشلار گؤستریلمه‌سی تأسف کی، تی وی و شخصاً سیزینله باغلی سواللارا سبب اولوب. سون زامانلاردا دئییردینیز کی، هامینین یانلیشی اولا بیلر، بیز ده یانلیش بیلگیلردن دولایی سهولره یول وئرمیشیک، اما اؤنملی اولان سهوی باشا دوشوب تکرار ائتمه‌مکدیر. بو، چوخ دیرلی و اومید وئریجی بیر تشببوسدور و بیز میللی-مدنی فعاللار اومید ائدیردیک کی، آرتیق گوناز تی وی اؤز میللی وظیفه‌سینه گئری دؤنه‌جک. اما تأسف کی، ۲۸ دکابر ۲۰۱۸-جی ایل تاریخین‌ده‌کی دانیشیقلارینیز میللی فعاللاری بیر داها مایوس ائتدی. بو پروگرامدا یئنه بیر سیرا فعاللاریمیزا قارشی دلیل گؤستریلمه‌دن، گئرچکلییه اویمایان ادعالار و اتهاملار ایر‌لی سورولدو و یئنه ده بیر میللی مئدیانین پشکارلیق و بیطرفلیینه اویمایان چیخیشلاریز اولدو.

آچیقجاسی، بو دوروم یئنه ده میللی فعاللاری چوخ کدرلندیریب قیردی!

سایین احمد بی!

بو مراجعتی ایمضالایان میللی حرکات منصوبلاری اولاراق اومید ائدیریک کی، آذربایجان-تورک میللتی آدینا ایداره‌چیلییی سیزه امانت اولان گوناز تو اؤز آدینا یاراشان تام بیر گئرچک میللی مئدیا کیمی چالیشاجاق. دوشونوروک کی، میللی فعاللارا قارشی قایناق‌سیز و تخریبات‌لی ادعالار ایر‌لی سورمک، میللی حرکاتین دار چئوره‌لرینده دانیشیلان دئدی-قودو تیپلی مؤوضوعلاری خالقیمیزین ائولرینه داشییاراق وطنداشلاریمیزی، اؤزللیکله گنجلری اومیدسیزلییه سوروکله‌مک و طرف‌لی داورانماق بیر میللی مئدیادا کسینلیکله اولماماسی گرکن شئیلردیر.

سون اولاراق اومید ائدیریک کی، بو مراجعتی دوستجا ائدیله‌ن تنقید کیمی قبول ائدجکسینیز. چونکی آتالاریمیز دئمیشکن، دوست آجی سؤیلر».

قید ائدک کی، مراجعتی گونئی آذربایجانین ۱۰۰-دک میللی-مدنی فعالی ایمضالاییب.

تاریخ
2019.01.02 / 13:27
مولف
Axar.az
شرح لر
دیگر خبرلر

اوردوموز هیجان سیگنالی ایله قالدیریلدی – ویدئو

دوشمن مؤقعلریمیزی آتشه توتدو

ایران ایسلام اینقیلاب‌دان سونرا گونئیده آنا دیلی اوغروندا موباریزه

اوردوموز دوشمن درونونو محو ائتدی - فوتو

فعاللار کامپانییا باشلاتدی: عباس لیسانییه اؤزگورلوک - ویدئو

شاه بابامیزین وصیتی — دیلیمیز، ویجدانیمیز، وطنیمیز»

آذربایجان‌لی فعاللار ساخلانیلدی - فوتو

بو گون بین الخالق آنا دیلی گونودور

آنا دیلیمیز و حیدر علیئو

تورکییه‌نین بوتون بؤلگه‌لرین‌ده خوجالی فاجعه‌سی آنیلاجاق

خبر خطّی
 
Axar.az'da reklam Bağla
Reklam
Bize yazin Bağla