Axar.az
یوخاری


سیاست ساحه‌سینده تاریخ توپو ایله اویناماق

آنا صحیفه توپلوم
12 Punto 14 Punto 16 Punto 18 Punto

بؤیوک گوج‌لرین چیخارلارینی اؤز ایستک‌لری ایله اوست‌اوسته دوشمه‌سین گؤروب اونلارین پلانلادیغی اویون‌لار اساسیندا اوینایان خالق‌لار تاریخ بویو چوخ اولوب‌لار، حتی ایندی کی چاغدا دا بئله خالق‌لار واردیرلار. بئله اویونلارا گلن خالق‌لارین ضیالی‌لاری عمومیت‌له بوش هوسلر‌ آرخاسینجا گئدن و عصرلر بویو دوست اولدوغو خالقلاری و دولت‌لری دوشمان تانیییب، خالق‌لارینا دوشمان تانیتدیرماق‌لا انسان‌لاردا غیرعادی ملی روح یارادیب یانلیش دوست‌لار سئچیرلر.

بو ضیالی‌لار یاراتدیقلاری دوشمانلیق‌لارین بیر باش سوروملوسو ساییلیرلار، نییه‌ کی عصیرلر بویو ایچ ایچه یاشایان خالق‌لار آراسیندا یارانان کین و نفرتین توخومون اونلار سپیب‌لر و تاریخ یادداشی دولودور بئله نفرت‌لردن یارانان قانلی ساواش‌لاردان، آخیدیلان گناه‌سیز قان‌لاردان. تورک‌لرله ائرمنی‌لر مساله‌سی‌ ده بو کاتوگوریده یئرله‌شیر. بیرینجی دونیا ساواشی عرفه‌سینده، عثمانلی امپراطورلوغو توپراق‌لاریندا یاشایان ائرمنی‌لر، بیر یاندان او دؤنمین میللت‌لشمه ائتکیسی آلتیندا و دیگر یاندان آوروپالی گوج‌لرین پروپاگاندا و قیشقیرتمالاری نتیجه‌سینده اؤزلرینه مستقل بیر دولت یاراتماق ایسته‌دیلر. آنجاق بو رویاسینی بئجرتدیک‌لری بؤیوک ائرمنیستان اولارا عاید اولمایان اراضی ده یارانماسی پلانلاشمیشدی. یعنی ائرمنی‌لرین تورک‌لر و گرجی‌لر‌له دوشمن اولماقلارینا یئترلی دلیل‌لری آرتیق واریدی و بوندان بئله روس، فرانسه و انگلیس عسگرلری دئییل بلکه اونلارین واسیطه‌سی ایله سلاحلانمیش ائرمنی‌لر تورکلرله ساواشاجاقدی‌لار. بو پلان امپریالیست‌لر و ائرمنی‌لرین غیرمشروع چیخارلارینی عینی زماندا تامین ائدیردی. آرشیولر داشناک ائرمنی‌لر الی ایله اؤلدورولن تورک‌لر و گرجی‌لر، یانیدیریلان کندلر، تالان ائدیلن شهرلر و تؤره‌دیلن فاجعه‌لرین سیاهه‌سی ایله دولودور. او دؤنم‌ده اولان اولای‌لاردان ایللرجه کئچسه ده هله تاریخین او قارانلیق دؤورونو سیاست ساحه‌سینده بیر اویونجاق کیمی اویناتماق ایسته‌ینلر چوخدولار. فرانسه‌لی‌لر الجزایرده ائتدیک‌لرین گؤرمزکن تورکیه جمهوریتینه انسانلیق درسی وئرمه‌گه چالیشیرلار. اؤز نقشین بیرینجی دونیا ساواشیندا ائرمنی‌لری قیشقیرتماق دا اونودان روسیه ایسه کریمه، چئچن و ... بؤلگه‌لرده ائتدیگی جنایت‌لردن دانیشماق یئرینه، استالین دؤنمینده کی جنایت‌لره جواب وئرمک یئرینه او قارا گون‌لره فخرله باخاراق بو گون اؤزو بیر باشا سیلاحلاندیردیغی ائرمنی‌لرین قوندارما سوی‌قیریمین ایره‌لی سوروب تورک خالقینی تحقیر ائتمه‌گه چالیشیر. بونلارین یانی سیرا باشا دوشمه‌سینده زورلوق چکدیگیمیز بیر مسئله وار، اودا اؤز اؤلکه‌میزده هر ایل ائرمنی‌لرین بو قوندارما گونو آغیرلامالارینا ایذین وئریلمه‌سی و ۲۴ آوریل‌ده تهران خیابانلاریندا ائرمنی‌ تظاهراتی دیر. بیر حالدا کی رسمی شکیلده حکومتیمیز بو قوندارما سوی‌قیریمی تانیمیییب و بیر حالداکی تورک‌لر ایران‌دا سایی باخیمیندان ان بؤیوک ائتنیک ساییلیرلار هر ایل بئله بیر یانلیشلیغا یول وئرمک چتین سهو اولا بیلر. تاریخ بویو خوش کؤنوللوگو و ضعیف‌پرورلیگی، اؤزون دن دوست ساندیغی خالق‌لارین خیانتینه معروض قالان آذربایجانلی‌لار، هله ۲۰_جی یوز ایللیگین اول‌لرینده اورمیه، خوی، سلماس و عمومیت‌له باتی ‌آذربایجان بؤلگه‌سینده تؤره‌دیلن جینایت‌لری اونوتماییب، هله سولدوز اولای‌لاری و سیمیتقو جنایتی‌نین ایزلری ایتمیییب و هله قاراباغ یاراسی قاناییر. بئله بیر حالدا هئچ بیر زمان آذربایجانلی‌لارا بو آجی گون‌لرینی آغیرلاماق اوچون تظاهرات و یا هر هانکی تؤرن ایذینی وئریلمه‌ییب، بس نئجه اولور باشقا اؤلکه‌ده دیرناق آراسی قیریلماسی ادعا ائدیلن ائرمنی‌لر اوچون هر ایل تهران خیابانلاریندا تظاهرات ایذینی وئریلیر و اوردا اؤلوم اولسون تورکه شعاری سسلندیریلیر؟! بو ایکیلی استاندارد و تاریخی اولای‌لاری سیاسی ابزار کیمی فایدالانماق ائرمنی‌لرله دردداشلیق یوخ بلکه آزربایجانلی‌لاری سیخینتیدا قویوب اولاردا غرورو سیندیرماق پیام‌ین وئریر. انسانلیق آچیسیندان باخساق هر گون آذربایجانلی‌لار بئله تظاهرات قورماغا حاقلی دیرلار. اما گؤرونن اودور کی بو تظاهرات‌لار انسانی بیر دردی دوشونوب قورومور بلکه چیرکین سیاسی آماج‌لار آرخاسیندادیر. بئله خوشا گلمز حاللار هانکی دوشونجه‌دن یارانیرسا یارانسین سونوجو گئنیشله‌شن دوشمانلیق اولاجاق دیر. بئله دوشمانلیق‌لارا سون قویماق ثابت انسانی ایلکه‌لر بللندیریب اولارا صادیق اولماقلا اولا بیلر. سیاستچی‌لر تاریخه باخدیقجا و تاریخی اولای‌لاری اؤز سیاسی چیخارلاری یؤنده یورماغا چالیشدیقجا نفرتلر هله ده یاشایاجاق.

تبریز بیلیم‌یوردونون آزربایجان تانیتیم اوجاغی

تاریخ
2019.04.19 / 11:37
مولف
Axar.az
شرح لر
دیگر خبرلر

ظریفین گولمه‌لی یالانی: چینگیز خان بونو باجارماییب؟ – اصل تاریخ

آراشدیرما: ارمنیلر و آذربایجان‌لیلارین فرقی

اوردوموز ایروانی سیلکه‌له‌دی: باکی نؤوبتی «آپرل»ا حاضیرلاشیر؟

آذربایجانلی فعال حبیب ساسانییان آزادلیغا بوراخیلدی

اوردوموز ۱۰ مین‌لیک هئیتله ساواشا باشلادی - ویدئو

ایرانین جنوبون‌دا ۱،۵ تون نارکوتیک آشکارلاندی

حبیب محکمه‌یه گئتدی - حاکم‌دن خبردارلیق

"آذربایجان تورکجه‌سینه گیریش" سینفینین نؤوبتی درسی

حبیب ساسانیان حبس اولونا بیلر

"شهریار" شعیر و مدنیت درنه‌یی‌نین نؤوبتی ییغینجاغی - ویدئو

خبر خطّی
 
Axar.az'da reklam Bağla
Reklam
Bize yazin Bağla