Axar.az
یوخاری
26 اییون 2019


حبس اولونان آذربایجان‌لی فعالین سس یازیسی یاییلدی

آنا صحیفه توپلوم
12 Punto 14 Punto 16 Punto 18 Punto

ایونون ۱۰-دا تبریزین مرکزی زیندانین‌دا آجلیغا باشلایان گونئی آذربایجانلی میللی-مدنی فعال امیر ستاری بیر سس فایلی یایاراق هانسی سبب‌دن آجلیق آکسییاسی کئچیردیینی آچیقلاییب.

آخار. آذ خبر وئریر کی، او سؤزلرینه ایمام حسینینین «مسلمان اولماساز دا، آزاده اینسان اولون» کلامی ایله باشلاییب.

«من آجلیق آکسییاسینین ۳-جو گونونده محکمه ایشیمله باغلی معین مسئله‌لره آیدینلیق گتیرمک ایستییرم.

بیلیرسینیز کی، «حاق وئریلمز، آلینار». اونا گؤره ده محکمه‌نین عدالتسیز قراری و تهلوکه‌سیزلیک قوه‌لرینین تضییقی ایله پوزولان حقوقلاریمی برپا ائتمک اوچون آجلیق آکسییاسینا باشلادیم. بو واسطه ایله تاپدالانان حقوقومون برپا اولونماسینا نایل اولاجام و یا بو یولدا اؤلجه‌م.

من قوندارما اتهاملارلا ساخلانمیشام. پوزولان حقوقلاریمین تعمین اولونماسی اوچون بوتون قانونی یوللارا باش ووردوم. تأسفلر اولسون کی، قانون‌دان اوستون اولان گوجلر طلبلریمین تعمین اولماسینا مانع اولوب منی بو وضعیته گتیردیلر.

مدنی فعالیت و وطنداش حقوقو ایله باغلی هم اؤلکه کونستیتوسییاسی، هم ده عمومدونیا اینسان حقوقلاری بیاننامه‌سینده چوخلو ماده‌لر وار. لاکین بیز مدنی فعاللار دینج یوللا حقوقلاریمیزین تعمین اولونماسینی ایستدییمیز زامان یالان اتهاملارلا اوزلشیر و آغیر محکمه حؤکملری ایله جزالاندیریلیریق. حالبو کی، بیز عدالتین برپا اولونماسینین طرفداریییق.

من سون‌دا وورغولاماق ایستییرم کی، یاخین گله‌جک‌ده دوسیئمله باغلی یئنی سندلر آچیقلایاجام. مقصدیم اودور کی، بوتون مدنی فعاللار، اینسان حقوقلاری مدافعه‌چیلری، حقوقشوناسلار و قانونون دوزگون ایجرا اولونماسینی طلب ائد‌ن هر کس متنی اوخویوب تبریزین محکمه سیستمی و تهلوکه‌سیزلیک اورگانلارینین فعالیتینی قیمتلندیرسینلر.»- دئیه سس فایلینین بیر حیصه‌سین‌ده قید اولونوب.

تاریخ
2019.06.13 / 16:37
مولف
آینورا مممدووا
شرح لر
دیگر خبرلر

خزرین سوییه‌سی ائندی: تهلوکه وارمی؟ - ناظرلیک

ایران‌دا معیشت خرجلری ۵۰،۴% آرتیب

آذربایجان‌لی فعالا ۱۳ ایل حبس جزاسی وئریلدی

ایران‌دا ایکی آذربایجان‌لی فعال ساخلانیل‌دی

بو گون سابیق پرزیدنت ابوالفضل ائلچی‌بی‌یین دوغوم تاریخی‌دیر

آذربایجان‌لی میللی-مده‌نی فعال ۱۳ گون‌دور آجلیق آکسییاسین‌دادیر

تبریز-اهر یولونون تیکینتی‌سی تیخاج پروبلئمینی حل ائتمه‌یه‌جک

صفویلر فلاکت تاریخیمیزدیر... - فازیل مصطفیدان جاواب

ارمنیلر مؤقعلریمیزی آتشه توتدو

ایران فارس دیلینین اینکیشافی اوچون کوللی میقداردا پول وسایتی آییریر

خبر خطّی
 
Axar.az'da reklam Bağla
Reklam
Bize yazin Bağla