Axar.az
یوخاری


آذربایجانی حیران ائد‌ن تبریزلی اوپئرا موغه‌ننیسی – ویدئو

آنا صحیفه ویدئو
12 Punto 14 Punto 16 Punto 18 Punto

خالق آرتیستی و پرزیدئنت موکافات‌چی‌سی حسن ائعامی تبریزی اوپئرا موغه‌ننی‌سی‌دیر.

Kult.az خبر وئریر کی، او، ۱۹۶۷-جی ایلده ایران ایسلام رسپوبلیکاسینین تبریز شهرین‌ده آنادان اولوب. آذربایجان موسیقی آنتولوگییاسینا اساساً معاصر دؤورده آذربایجانین ان مشهور اوپرا صنعت‌چیلریندن بیری ده حسن انعامی‌دیر.

آذربایجانین مشهور پیانو ایفاچی‌سی نرمینه افندیئوا ایله ائولیدیر. بیری قیز، بیری اوغلان اولماقلا ایکی اؤولادلاری وار. ۱۹۷۲-جی ایلده ایبتیدای صینیفه داخیل اولوب. ۱۹۸۱-۱۹۸۵-جی ایللرده وحدت اینتوریمنتال مکتبین‌ده تحصیل آلیب. مکتبی بیتیردیک‌دن سونرا ایسه حربی خیدمته یوللانیب و ۱۹۸۸-جی ایلده خیدمتینی تاماملاییب. اوشاقلیغیندان بری موسیقییه قارشی حیران‌لیق حس اولوب، لاکین ایران ایسلام اینقیلابینین موسیقینی قاداغان ائتمه‌سینه گؤره پئشکار موسیقی تحصیلی آلماق شانسی اولماییب. ۱۴ یاشیندا ایکن او ویدئو یازیلاردان آذربایجان موسیقی‌سینی اؤیره‌نمه‌یه باشلامیشدیر.

۱۹۸۸-جی ایلده حکومت اؤزل موسیقی مکتبلرینین آچیلماسینا ایجازه وئریر. بئله مکتبلردن بیرینه یازیلان حسن، بورادا موسیقی نظریه‌سینی و سولفئجیونو اؤیرنیر.

۳ تنور کونسرتین‌ده ایشتیراکیندان سونرا اوپئرا اوخوماغا قرار وئریر و ۱۹۹۰-جی ایلده تحصیل آلماق اوچون باکییا گلیر. ۲ ایل کئچدیکدن سونرا باکی موسیقی آکادمییاسینین ووکال صینفینه قبول اولور. باکی موسیقی آکادمییاسینین رکتورو فرهاد بدلبیلی طرفین‌دن سسی چوخ بیه‌نیله‌ن حسن بورادا پولسوز تحصیل آلیب.

حسن انعامی حاضردا تئاترین رپرتوارین‌دا اولان بیر سیرا تاماشالاردا تنور سس تمبیری اوچون نظرده توتولموش پارتییالاری ایفا ائدیر و دؤولت سوییه‌سین‌ده کئچیریله‌ن بیر چوخ یوبیلئی و رسمی مراسیملرده اوغورلا چیخیش ائدیر. آذربایجان ووکال صنعتینی آلمانییا، فرانسا، روسییا، بیرلشمیش عرب امیرلیکلرینده، اوکراینا، فینلاندییا، تورکییه، بولیوییادا تمثیل ائدیب.

حسن انعامی اوپئرا موغننی‌سی اولماقلا یاناشی، آذربایجان دؤولت سیمفونیک اورکستری ایله بیرگه سولیست کیمی ده چیخیش ائدیر.

تاریخ
2019.04.10 / 13:08
مولف
آیتاج آراز
شرح لر
دیگر خبرلر

آوروویزییا-۲۰۱۹: آذربایجان فینال‌دا! - ویدئو

ملیک محمد ایشیق‌لی دونیایا نئجه چیخیر؟ - ویدئو/آنیماسییا

ناغیل: قارداشلاری ملیک محمده نئجه خیانت ائدیر؟ - آنیماسییا

ناغیل: ملیک محمد دیوی نئجه اؤلدورور؟ - آنیماسییا/ویدئو

او گؤرونه‌ن سندین، آرتیق گلدین سن... - ویدئو

ولی بدان ما و تراکتور پای ثابت این ماجرائیم و شما خود دانید...

ناغیل: دیوی آلما باغین‌دا کیم یاخالاییر؟ - ویدئو/آنیماسییا

هیمنیمیزین فورمولا ۱-ده غیری-عادی تقدیماتی - ویدئو

قاری ننه تولکویه نئجه کلک گلیر؟ - ناغیل/ویدئو

بابا ننه‌نی، ننه نوه‌نی، نوه ایسه... - ناغیل/ویدئو

خبر خطّی
 
Axar.az'da reklam Bağla
Reklam
Bize yazin Bağla