Axar.az
یوخاری
20 آپرئل 2019


"اورمودا یئل اسیر... اوردا نه خبر؟"

آنا صحیفه یازارلار
12 Punto 14 Punto 16 Punto 18 Punto

غریبه گئجه‌دیر...

ایندی‌لیک "۲۱آذرین" سونونجو چاغلاریدی سئوگیلیم، کیم بیلیر آددیم آتیب کئچدییم بو خیاوانلارین کؤکسونده نئچه اینسان قانا بویانیب، الله بیلیر بو کوچه‌لرین دیزینه نئچه اینسان باش قویوب اؤزگورلوک یاسینی سیزلاییب. نئجه کؤرپه آتاسیز، نئچه باجی قارداش‌سیز، نئچه آنا،بالاسیز قالدیغینی بیلیرسن‌می هئچ سئوگیلیم؟

بو خزل‌ قاتارلاری‌نین اوزینده نئچه اینسانین املیک قوزو کیمی باشی کسیلیب بیلیرسن‌می هئچ؟ نئچه قیز سئوگیلی‌سی‌نین یاسیندا سسی‌نی یئل‌لری‌نین هارایینا قوشوب یا پاییز بولودلارینی اغلاماق یاساقلیغینا اؤرپک ائدیب؟

غریبه گئجه‌دیر سئوگیلیم، ائله بیر گئجه‌کی شاعیر اولدوغونا کوفورلر ائده بیلرسن، داها شاعیر اولمایاجاغینا اولومونه قدر تانری‌یا یالوارا بیلرسن، ائله گئجه‌کی داها پاییزین گلمه‌مه‌سینی آرزی ائده بیلرسن یا یاتیب سحره چیخمایاجاغینی...

غریبه گئجه‌دیر مله‌ییم، ایندی سنه یازدیغیم بو اورمودا هله‌ده گلن-گئدن سسی‌ وار، سونراسی آتش، آردیجا ایندی‌ده خزل‌لرین اوستونه قان جالانیر. بو کابوسون آردی یوخ دئیه ایناندیرارسان‌می منی سئوگیلیم؟

غریبه گئجه‌دیر ارک‌سیز، گولوستان باغی‌سیز اورمو دا قاداسی، "آزاد وطن"-ی آسیلان اورمو، یوسیف صابونچی‌سی گولله‌لنن اورمو، تاریخ بویو سس-سیز سمیر سیز تالانیب، قانین‌دا اوزن اورمو قاداسی...

آه...
داها نه دئیه‌جه‌ییمی خاطیرلامیرام،
اورمو دا یئل اسیر،
اوردا نه خبر؟

تاریخ
2019.04.16 / 12:49
مولف
آتیلا حاجی زاده
شرح لر
دیگر خبرلر

سورقو: تراختور فوتبالی یانچیلاری و طرفدارلاری اوزره نظرینیز ندیر؟

تراختور هئچ واخت اوتوزماز...

ارمنستان کشوری متجاوز و اشغالگر

جهنمه گئدن یولداشین چوخ ایستر

تورانچیلیق رومانتیک بیر خیال دئیلدیر

تورکجه‌نین ایران‌دا تکرار گوجله‌نمه‌سین‌دن قورخورلار

ایراننین «ارمنی سویقیریمی عابده‌لری» سئوداسی- فوتو

تورکجه ایله موغولجانین آراسیندا بیر ایلگی وارمی؟

بیلمه‌مزلیگه قوربان اولان اینسانلیق

سیّدجواد طباطبائی و مریدان

خبر خطّی
 
Axar.az'da reklam Bağla
Reklam
Bize yazin Bağla