Axar.az
یوخاری


فوتبالی سییاسی ائتمه‌یین...

آنا صحیفه یازارلار
12 Punto 14 Punto 16 Punto 18 Punto

دۆنیانین ان گۆجلو و یئنی صنعتلریندن ساییلان فوتبال، باریش نوبئلینه آدای اولدوغو حالدا، بعضا ده دۆنیا موعادیله‌لرینی بیرـ‌بیرینه ووراراق، میللت‌لر ایچره یاریشدان باریش یارتما کیمی شوعارلارینی داشیماق ایسته‌سه ده بیر سیرا یئرلر‌ و اؤلکه‌لرده الده ائدیلن سونوجلار تام ترسینه اولور.

بو اویون اسکی چاغلاردان ، اؤز باریشسال گؤره‌وینی الدن وئره‌رک، سییاسی‌لرله گۆجلولرین سییاسی آماجلار و ایستکلرینی ایره‌لی‌لمک آلانینا(مئیدانینا) چئوریلیب.

ایکینجی دۆنیا ساواشیندان توت گلسین...... بو گۆنوموزه دک.

بو آرادا کاتالانلار ایسپانییا اؤلکه‌سینده اؤزگورلوک ساواشلارینین هایقیری‌لارینی دۆنیایا چاتدیرماق اۆچون، ان یاخشی یولو نییوکمپ ایستادییومونو سئچه‌رک تیملری‌نین هر اویونوندا اؤزگورلوک مارشلارینی سسلندیره‌رک،بایراقلارینی هاوادا دالغالندیریرلار.

بالکان، بؤلگه‌سینده ایللر بویو فاشیست و کومونیست صیرب عیرقچی‌لاری‌نین ظۆلوملرینه معروض قالان کوزووولولار، بوسنالی‌لار، آلبان‌لار، قاراداغلی‌لار، مقدونییه‌لی‌لر و.... فوتبال یاریشمالاریندا، ایستادییوملاری عیرقچی‌لاردان نیفرت و اؤز میللی ایستکلرینی سؤیله‌مک تیریبونونا چئویریرلر؛
اؤرنک اۆچون، صیربیستان ـ کوزووو اویونوندا ( ۲۰۱۴ ـ جۆ ایلین اوکتوبروندا) کوزووونون یانداشلاری کوزووونون بایراغی‌لا بیرگه " کوزووو آلبانی‌نین آیریلماز حیصصه‌سی"‌دیر یازیسی: (Autochsonous)، و میللی قهرمانلاری [عیسی بولیتینی: ۲۰‌ـ‌جی یۆزایللیک‌ده کوزووونون میللی رهبرلریندن، هابئله ایسماعیل کمالی: یئنی آلبانییا قوروجوسو و آلبانلارین ایستیقلال رهبری] نین شکیللرینی ایستادییومون گؤیونده اوچولدارکن، میتروویچ(صیرب اویونچوسو) او بایراق و بئنرلری یئندیره‌رک بیر بؤیوک ساواشا و اویونون سونا چاتماماسینا نه‌دن اولدو.

هابئله فیفانین سون دۆنیا کوپاسیندا سوییس تیمی‌نین آلبان(کوزووو) کؤکنلی اویونچولاری( ژئردان شاقیری، ژاکا و... ) صیربلرله یاریشمادا آتدیقلاری هر بیر قولدان(گل‌دان) سونرا اللری‌ایله آلبان سیمگه‌سی اولان ایکی باشلی قارتالی گؤسته‌ره‌رک فوتبال آلانیندا صیربلرین اۆرک یارالارینی یئنی‌لندیردیلر.....

تبریزین سهند ایستادییومو دا، ائله تۆرک خالقی‌نین میللی ایستکلرینی باغیرما تیریبونونا چئوریله‌رک یاتمیش میللتیمیزی اویاندیرماق و تئهران، قزوین، همدان تۆرکلرینده گۆونج و میللی غورورون یارانماسیندا و اوزاق دۆشموش تۆرک‌ائللریمیزین بیرلشمه‌سینده[قاشقای، ساوا، خلج، تۆرکمن و... ] اساس رول اوینایاراق، صیربلره تای فاشیست دۆشونجه‌لی‌، یئرلی یوردداشلاریمیزین خوشونا گئتمه‌یه‌رک اؤزگورلوک باغیرتی‌لاریمیزی بوغماق و میللی حاقلاری اوغروندا جانلاریندان کئچن‌ ایگیدلریمیزی یورماق ایسته‌ییرلر
آنجاق اونلار هله چوخ قالیر بیلسین‌لر بیز تۆرکلره "تیراختور نه توپدور نه قول‌دور، تیراختور میللی یولدور"

و هله ده فوتبال اویونونو سییاسی ائتمه‌یین دئیه‌نلره تکجه بیر سؤز دئمک اولار، سیز سئوسز ده ـ سئومه‌سز ده فوتبال تام سییاسی بیر اویوندور و سییاسی دۆشونجه‌‌سی‌له میللی ماراغی اولمایان بیریسی، تیراختورو یوخ، گئدیب آلومینیوم هرمزگان، سایپای تئهران... کیمی تیملری سئومه‌لی‌دیر....... .

تاریخ
2019.04.21 / 21:22
مولف
داودعبدی
شرح لر
دیگر خبرلر

نامه ای به معلمان سرزمینم

طباطبایی، سیاست‌بازتر از خاتمی

تیراندازی در میان ترک‌ها مختص مردها نبوده

ضرورت مهار ایرانشهری ها

نقد فدرالیسم یا دفاع از فاشیسم؟

ستایشی که تنه به پرستش می‌زند!

انجمنهای ایالتی و ولایتی ایران مصوب سال ۱۲۸۶ شمسی

مینوی ناسیونالیسم فارسی گرا و زبان ترکی

فدرالیسم و مخالفانش

مجتبی مینوی ناسیونالیسم فارسی گرا و زبان ترکی

خبر خطّی
 
Axar.az'da reklam Bağla
Reklam
Bize yazin Bağla