Axar.az
یوخاری


راسیستلیگینه اعتراض ائتمک انسانلیق بورجودور

آنا صحیفه یازارلار
12 Punto 14 Punto 16 Punto 18 Punto

فارس مدنیت راسیستلیگینه اعتراض ائتمک هر بیر آزاد روحلو انسانین انسانلیق بورجو ساییلار.

سورقو: بیر سیرا انسانلاریمیز فارس حاکیمیتینده پوست و مقام صاحابینا مالیک اولدوقلارینا باخمایاراق اونلار دا فارس مدنیت راسیستلیگینه اعتراض ائدرلر، بونون علتی نه اولابیلر؟

جاواب: راسیستلیگه، حاکیم مدنیت راسیستلیگینه و فارس مدنیت راسیستلیگینه اعتراض ائتمک هر بیر آزاد روحلو انسانین انسانلیق بورجو ساییلار. دئمک، هر بیر آزاد روحلو فارسین دا فارس مدنیت راسیستلیگینه اعتراض ائتمه سی انسانلیق عالمینده گؤزله نیلرکن فارس توپلوموندا بئله بیر گؤرونتویه تانیق و شاهید اولماق بوگونه دک ایمکانسیز اولموش. بونون دا بؤیوک بیر علتی فارس مدنیت راسیستلیگینه تابع توتولموش فارس اولمایان ملی توپلوملارین آیدینلاری نین "ایرانیت" دئیه "فارسلیق" باتلاغیندان اؤزلرینی قورتارابیلمدیکلریندن ایلری گلن گؤرونوم ساییلار. بو باخیمدان اوزدن ایراق فارس آیدینی دا "سکوت علامت رضاست" دئیه هر بیر اولوب بیته نی فارسلیق گؤزلوگو ایله یوروملاماغا چالیشمیش و چالیشار. بئله بیر شراییطده هر بیر فارس اولمایان انسانلارین فارس مدنیت راسیستلیگینه اعتراض ائتمکلری اونلارین انسانلیق وظیفه لری ساییلار.

دئمک، فارس حاکیمیتینده پوست و مقام صاحابی اولان آذربایجان تورکلوگونه منسوب اولموشلار دا فارس حاکیمیتینه امرار و معاش اوچون مینیک وئرمکلرینه باخمایاراق انسانلیق غرورلاری نین گرک ده داها آرتیق ازیلمه سینه ایمکان وئرمگه لر. بو باخیمدان بیر اؤرنک اولاراق آیت الله عظیمی قدیم ده داها آرتیق بو آیری سئچکیلیکلره قارشین دیرندیگی اوچون فارس حاکیمیت اورقانلاریندان ائشیگه آتیلمیش، بیر چوخ ملی و مدنی آذربایجان تورک لوگونون فعاللاری دک توتساق ائدیلمیش و بیر چوخ انسانلاریمیز دا بوگون ملت وکیلی، یوخسا امام جمعه اولاراق فارس حاکیمیت مسئوللاری نین ایستعمارچیلیق سیاستلرینی قیناماغا باشلامیشلار.

بو مسئله آذربایجان تورکلوگونده ۱۰۰ ایل گئجیکمه سینه باخمایاراق هر حالدا گونوموزده باش توتماسی هر بیر آذربایجان تورکونو مسعود ائدر. دئمک، بئله بیر انسانلارین سسلری نین اوجالماسینا کؤمک ائتمک لازیم. اعتراضلارینی یئترسیز گؤروروکسه، نئجه دوزگون اعتراض ائدیلمه سی دوغرولتوسوندا گؤروش اورتایا قویماق لازیم گؤرونر. دئمک، عنادلیق و گؤبودلوق ایله هئچ بیر باشاریق الده ائتمه گیمیز مومکون اولمایاجاقدیر. بئله بیر آزاد روحلو انسانلاریمیزا آلقیشلار.

تاریخ
2019.05.13 / 18:31
مولف
ایشیق سؤنمز
شرح لر
دیگر خبرلر

فدرالیسم و مخالفانش

مجتبی مینوی ناسیونالیسم فارسی گرا و زبان ترکی

مفت پول در آوردن بهترین شیوه حلال خوری است

مجتبی مینوی ناسیونالیسم فارسی گرا و زبان ترکی

تجارت در آذربایجان

جنایات تروریست های ارمنی داشناک در مغان

سورقو: گونئی آذربایجان ملی حرکتی نه ائتمه لیدیر؟

مجتبی مینوی ناسیونالیسم فارسی گرا و زبان ترکی

روز بزرگداشت فردوسی

زبان ترکی در فهرست ده زبانی که بریتانیایی‌ها باید یاد بگیرند

خبر خطّی
 
Axar.az'da reklam Bağla
Reklam
Bize yazin Bağla