Axar.az
یوخاری


تبریزه گؤره بیزی سؤیه‌ن داناباش

آنا صحیفه یازارلار
12 Punto 14 Punto 16 Punto 18 Punto

بیر نئچه گون اول مین ایل یاشی اولان تبریز بازاری یاندی. بعضیلرینین خبری اولمادی، بعضیلرینین خبری اولدو، اهمیت وئرمه‌دی. اما اوندان بیر قدر اول ۸۰۰ ایللیک پاریس نوتر-دام کیلسه‌سی یاناندا چوخو اوزونو جیریب، ساچینی یولدو، آغلاشما قوردو.

او مین ایل یاشی اولان تبریز بازاری، بو دا ۸۰۰ ایل یاشی اولان فرانسیز کیلسه‌سی. دئییرم ده، بؤیویه حؤرمت قالماییب.

تبریز بازارینین یانماسی فونوندا چوخ دهشتلی شرحلر اوخودوم. دوزدور، سایی آز اولسا دا، وار ایدی.

مثلاً، بیری یازمیشدی کی، «جیندیر آدمین (اولدوغو کیمی ساخلادیغیمیز اوچون اوخوجولاردان عذر ایستییرم)، تبریز نه واخت‌دان آذربایجان شهری اولوب؟»

بو، «شوشا، لاچین، زنگیلان نه واخت‌دان آذربایجان شهری اولوب؟» دئمک کیمی بیر شئی‌دیر. بو آداملار ارمنی خیصلت‌لی‌دیر. بئله‌لرینین الین‌ده فورصت اولسا، گؤزلرینی قیرپمادان تبریزی ده ایران‌داکی ارمنیلره وئررلر.

یعنی تبریزین آذربایجان شهری اولمادیغینی دئیه‌ن بیر شخص ماهیت اعتباریله ارمنی‌دیر.

اولا، تبریز ایرانین شرقی آذربایجان اوستانینین مرکزیدیر. بو اؤزو تبریزین آذربایجان شهری اولماسینی ثبوتا یئتیریر.

ایکینجی‌سی، تبریز بوتؤو آذربایجانین پایتختی اولماقلا یاناشی، تاریخ بویو مؤوجود اولموش اکثر دؤولتلریمیزین پایتختی اولوب.

گؤرکملی عالیملر، حکمدارلار همیشه اؤز یازیلاریندا تبریزی یوکسک قیمتلندیریب، شهری «شرقین پایتختی» آدلاندیریبلار.

تبریز تکجه آذربایجانین یوخ، بوتون تورک دونیاسینین معنوی، روحانی و مدنی مرکزیدیر.

ایسلام دونیاسی اوچون قدس ندیرسه، تورک دونیاسی اوچون ده تبریز اودور.

عصرلرله خریستیان دونیاسینین اسارتینده قالمیش ایستانبول بو گون هئچ جور تورکلشه بیلمیر. تبریز ایسه اؤز تورک کیملیینی فارس شووینیستلرینین تضییقلرینه، عمللرینه رغما قورویوب ساخلاییر.

تاریخ بویو بیر نئچه ایمپرییانین، دؤولتین مرکزی اولماسینا باخمایاراق، هله ده اؤز تورک کیملیینی، آذربایجان روحونو قورویا بیله‌ن تبریز شهرینی «فارس شهری» آدلاندیرماق تکجه ساوادسیزلیق دئییل، هم ده معنویاتسیزلیق، حیثیت‌سیزلیک گؤستریجی‌سیدیر.

تبریز حاضردا ایرانین اساسمرکزیدیر، اؤلکه‌نی سیلکه‌له‌یه بیله‌جک یئگانه اوجاق‌دیر. بورادا باش وئره‌ن حادثه لر بیرباشا اؤلکه‌نین و عمومی‌لیک‌ده یاخین شرقین تالعینه تأثیر ائدیر.

تبریز حاقین‌دا چوخ دانیشماق، چوخ یازماق اولار. تبریز رومانلارا، داستانلارا سیغاجاق شهردیر. آنجاق «تبریز آذربایجان شهری دئییل» دئیه‌نلرین آدی هئچ ایت دفترینه ده دوشمه‌یه‌جک.

تاریخ
2019.05.15 / 16:37
مولف
شیخ تیمور
شرح لر
دیگر خبرلر

تیراندازی در میان ترک‌ها مختص مردها نبوده

ضرورت مهار ایرانشهری ها

نقد فدرالیسم یا دفاع از فاشیسم؟

ستایشی که تنه به پرستش می‌زند!

انجمنهای ایالتی و ولایتی ایران مصوب سال ۱۲۸۶ شمسی

مینوی ناسیونالیسم فارسی گرا و زبان ترکی

فدرالیسم و مخالفانش

مجتبی مینوی ناسیونالیسم فارسی گرا و زبان ترکی

مفت پول در آوردن بهترین شیوه حلال خوری است

مجتبی مینوی ناسیونالیسم فارسی گرا و زبان ترکی

خبر خطّی
 
Axar.az'da reklam Bağla
Reklam
Bize yazin Bağla