Axar.az
یوخاری
27 اییون 2019


"آذربایجان فولکلوروندا گولوش قایناقلاری"

آنا صحیفه یازارلار
12 Punto 14 Punto 16 Punto 18 Punto

کتابین آدیندا یئر آلان «گولوش» سؤزونون قارشیلیغی، علمی-ادبی متنلریمیزده، تخصصی – عمومی یازیلاریمیزدا، دانیشیقلاریمیزدا، حتی تانیش اولدوغوموز و عبلقه ده اولدوغوموز باشقا دیللرده ده چئشید-چئشید سؤزجو کلر اولاراق چیخیش ائتمکده دیر. بو چئشیدلی سؤزجو کلرین و آچیق-آشکار فرقلی گؤرونن کلمه لرین آچیقلامالاری و آنلام ساحه لرینده گلدیکده، آیدین سرحدلری گؤره بیلمک چوخ دا ممکن دئییلدیر. بورادا مخاطبین یاشی، جنسیتی، ائتنیک دورومو، اینانجلاری، ساوادلانما سویه سی و ساوادلانما نئجه لیگی، زامان و مکان نئجه لیکلری و ... اونون متندن اولان آنلاییشی و متنده اولان گولوشون هانسی سؤزجو کله اوست-اوسته دوشودویونو ائتگیله مکده دیر. بو سؤزجو کلره گلدیکده ان چوخ قارشیمیزا چیخا بیلنلر طنز، ساتیرا، کمدی، هزل، هجو، فکاهه و ... کیمی سؤزجو کلری سایماق اولار. بونلارین ان تانیندیقلاریندان بیری و ان چوخ اله آلینانی، بلکه «طنز» سؤزجو اولوبدور. کؤکو عرب دیلینده اولان «طنز» سؤزجویونون چوخ بللی و آچیقلانمیش آنلامی اولسادا، بو سؤزجویون گولوش ماهیتی داشییان بوتون متنلر اوچون ایشلندیگینی دوشوننلر ده واریدیر (شریفی و کرامتی یزیدی، ۱۳۸۹:۹۱).

طنز اینسلانلارین باشلارینی قاتیب،اونلارا شن آنلار یاشاتدیقلاری ایله یاناشی، توپلومسال حیاتین ان اؤنملی قونولاری و سورونلارینی دا اؤزونده عکس ائتدیرمکده دیر. اؤرنک اوچون، یان جک-ین دئدیگینه گؤره «طنز، اعتراض غریزه سینین هنر دونو گئین شکلیدیر». اوغورلو طنز اؤز قوربانلارینی دلی اولاجاق قدر عصبی لشدیریر، مخاطب لری ده گولمکدن قیریلیرلار. ملوین کلارک-آ گؤره طنز دونیاسی، ایکی کانونو اولان بیضی کیمی، بارالاری آچیغا چیخارما و پیسلیکلری قینما آراسیندا فیرلانماقدادیر. طنز جدی لیک و شوخلوق، هابئله دگری آز و اؤیودسل قونولاری احتوا ائدیر. طنزی رحم سیزلیگین و قابالیغین ان درینلیکلریندن توتموش، اینجه لیگین و اولولوغون ان ذئروه سینده گؤرمک اولار. طنز مونولوگ، دیالوگ، نامه، خطابه، روایت، حاللاری تصویر ائتمه، کاراکتر یاراتما، تمثیل، خیال دونیاسینا گئتمه، مضحکه، هزل، گولملی یامسیلاماق و ...، دئمک هر چئشید ابزاردان فایدانماقدادیر. طنز، هر سمندر سایاغی «شوخلوق، فکاهه، تمسخر، کنایه، طعنه، پیس باخیش، یامانلاماق و ...» کیمی فرقلی بویالار و فرقلی گؤرونتولرله چیخیش ائدیر.

توپلاملاردا، تاریخ و جغرافیا سرحدلرینه سیغمایان اؤزللیکلردن بیری، طنز آنلاملاری داشییان اثرلره اولان خوش باخیش اولوبدور. دونیا سویه سینده پارلاییب، آدلاری دیللر ازبری اولان بیر چوخ صنعت اثرینی اینجه له دیکده، یئرل اؤزللیکلرین داشیدیقلارینی گؤره بیله جگیمیز هر زامان باش وئرمکده دیر. بیر باشقا یاندان دا کوره سللشمه (و کوره سللشدیرمه) پروسه سی یئرل کولتورلری بؤیوک سیخینتییا سالدیغینا گؤره بو کیمی توپلوملاردا کؤکلریندن قیریلماق و کیملیک گرگینلیگی یاشاماق قورخوسو آرتماقدادیر. یاشادیغیمیز بو دؤنمین این یایقین اؤزللیکلریندن، توپلوملاردا فولکلورون فونکسیونلارینین گونو گوندن آزالماسیدیر. بوتون بونلاری گؤز اؤنونه آلدیقدا، صنعتین چئشیدلی ساحه لرینده باش وئرن یارادیجیلیقلار، قوناق قاباغینا قویولاجاقلاری و اصالت داشیماقلاری ایسته نیلدیکده، فولکلور بولاغیندان ایچمکلری و یئرل کولتورون آچدغی سوفره دن قیدالانمالیدیرلار.

تاریخ
2019.05.26 / 14:59
مولف
کاظم عباسی
شرح لر
دیگر خبرلر

دولت اراده معطوف بکار وتصمیم ندارد !

معمای ۱۳ سال/تورک بودن با درهم شکستن حکم های ناعادلانه مترادف است

حکم سنگین سیزده سال زندان برای هویت طلبی و عدالت‌خواهی

خبردار اولدوق کاظیم بی صفابخش آدلی بیر گنج تهران محکمه سیندن ۱۳ ایل توستاغا محکوم اولونوب...

سیزده سال حبس به جرم عدالت خواهی

آمئریکا ایله ایران آراسیندا محاربه اوز وئره جک می !؟

فربه گری سفسطه

سئچیلمیش سؤزلر

خیال تاجگذاری تاج زاده!

اوشاق، اویونجاق ساتان بیر دوکانین ویترینینه قویولموش بیر"دوَه"نی چوخ سئویر...

خبر خطّی
 
Axar.az'da reklam Bağla
Reklam
Bize yazin Bağla